Rhanbarth Canolfan Wybodaeth Bioamrywiaeth Gorllewin Cymru (CWBGC)
Mae’r Map yn dangos rhanbarth CWBGC, sy’n cynnwys Sir Gaerfyrddin, Sir Benfro a Cheredigion. Nid yw’r rhan o Barc Cenedlaethol Bannau Brycheiniog sy’n ymestyn i mewn i ran Gogledd Ddwyreiniol Sir Benfro wedi ei chynnwys oherwydd mae’n dod o dan y Gwasanaeth Gwybodaeth Bioamrywiaeth ar gyfer Powys a Pharc Cenedlaethol Bannau Brycheiniog.
Daliwch y cyrchwr dros y map i gael gwybodaeth ar bob sir unigol
Bioamrywiaeth yn Sir Gaerfyrddin
Mae gan Sir Gaerfyrddin gynefinoedd sy’n arwyddocaol iawn ar gyfer ein rhanbarth, a’r mwyaf nodedig yw systemau morydol Bae Caerfyrddin a Chilfach Porth Tywyn, corstir a glaswelltir arfordirol, Dyffryn Afon y Tywi a chynefinoedd fforestog mawr yn yr ucheldir, sy’n gartref i’r Wiwer Goch a fwy na thebyg Bele’r Coed.
Mae Partneriaeth Bioamrywiaeth Sir Gaerfyrddin yn gwarchod y cynefinoedd hyn, a rhai rhywogaethau penodol, yn weithgar. Dilynwch y ddolen hon i fynd at y tudalennau bioamrywiaeth ar wefan Cyngor Sir Gâr. Cydlynydd y Bartneriaeth yw Isabel Macho.
Bioamrywiaeth yng Ngheredigion
Mae Ceredigion yn cynnwys cynefinoedd sy’n arwyddocaol iawn ar gyfer ein rhanbarth, a’r mwyaf nodedig yw’r ucheldir, Dyffryn yr Afon Teifi a Bae Aberteifi (Ardal Cadwraeth Arbennig forol).
Mae Partneriaeth Bioamrywiaeth Ceredigion yn gwarchod y cynefinoedd hyn, a rhai rhywogaethau penodol, yn weithgar. Dilynwch y ddolen hon i fynd at dudalennau arfordir a chefn gwlad gwefan Cyngor Sir Ceredigion.
Os ydych wedi gweld rhywbeth diddorol yng Ngheredigion, a wnewch chi drosglwyddo’r wybodaeth at Leanne Bird, Swyddog Bioamrywiaeth, os gwelwch yn dda. Cliciwch yma i gael gwybodaeth gyswllt bwysig a hefyd y fformat a argymhellir ar gyfer y data.
Bioamrywiaeth yn Sir Benfro
Yn Sir Benfro, mae dau awdurdod cynllunio lleol yn rhan o’r gwaith o warchod natur:
- Cyngor Sir Penfro
- Awdurdod Parc Cenedlaethol Arfordir Penfro
Yn Sir Benfro, mae yna gynefinoedd sy’n arwyddocaol iawn ar gyfer ein rhanbarth, a’r mwyaf nodedig yw’r gweundiroedd isel a’r glaswelltiroedd arfordirol, yr ynysoedd oddi ar y lan ar gyfer adar y môr a choetiroedd hynafol. Mae’r cynefinoedd hyn yn cynnal nifer fawr o rywogaethau, rhai ohonynt i’w gweld yn Sir Benfro yn unig. Mae adar y môr a’r frân goesgoch yn cyfrannu at arwahanrwydd lleol Sir Benfro ac maen nhw’n ddangosyddion da ar gyfer iechyd yr amgylchedd..
Adlewyrchir arwyddocâd rhyngwladol a chenedlaethol bioamrywiaeth Sir Benfro gan y ffaith fod tua 6% o arwynebedd y tir o fewn Safleoedd o Ddiddordeb Gwyddonol Arbennig. Mae’n cynnwys Gwarchodfeydd Natur Cenedlaethol, Ardaloedd Gwarchodaeth Arbennig ac Ardaloedd Cadwraeth Arbennig.
Mae gan Sir Benfro 259Km o forlin, y mwyafrif ohono o fewn Parc Cenedlaethol Arfordir Penfro. Mae’n cynnwys yr unig Warchodfa Natur Forol yng Nghymru yn ogystal â 3 Ardal Cadwraeth Arbennig forol.
Mae Partneriaeth Bioamrywiaeth Sir Benfro yn gwarchod y cynefinoedd hyn, a rhai rhywogaethau, yn weithgar. Cydlynydd y Bartneriaeth yw Bethan Cox. cliciwch yma i fynd at wefan y bartneriaeth.