Adroddiadau
Prosiect CWBGC
Archwiliad
Cyfalaf Naturiol PLANED – Sir Benfro
Archwiliad
Cyfalaf Naturiol PLANED – Sir Gaerfyrddin
Archwiliad
Cyfalaf Naturiol PLANED –Atodiadau
Enghreifftiau o Astudiaethau Achos
Asesiadau
Bioamrywiaeth ar gyfer Blaengynllunio
Astudiaeth o Fioamrywiaeth a Chysylltedd Ecolegol mewn Ardaloedd Anheddol yn
Sir Gaerfyrddin
canolfan wybodaeth bioamrywiaeth gorllewin ccymru
Cynnyrch a Gwasanaethau
Gwasanaeth Ymholiadau Bioamrywiaeth – chwilio oddi mewn i ardal ddaearyddol a ddiffinnir gan y defnyddiwr. Yn cynnwys adroddiad ar rywogaethau, cynefinoedd a data safle dynodedig a lleol, wedi’u categoreiddio i ddilyn statws amrywiol a gydnabyddir yn Rhyngwladol, yn Ewropeaidd, yn genedlaethol ac yn lleol. Plot y System Wybodaeth Ddaearyddol (SWDd) yn dangos pwyntiau (e.e. ar gyfer nifer y rhywogaethau) neu bolygonau (e.e. ar gyfer mathau o gynefin).
Gwasanaeth Gwirio’r Rhestr Gynllunio – Gall awdurdodau cynllunio gyflwyno ceisiadau neu restri dethol o’r holl geisiadau cynllunio ar gyfer chwilio am fioamrywiaeth, i gyfres gytunedig o feini prawf, i gynnwys archwiliad rhywogaethau, safle a chynefin byr. Gellir ymestyn y gwasanaeth hwn i gynnwys gwirio ar gyfer Cynlluniau Datblygu Lleol.
Haenau Rhybuddio’r SWDd – Gall is-adran o rywogaethau a data safle a gedwir gan y Canolfannau Cofnodi Lleol (CCLl’au) gael ei chyflenwi fel Haenau Rhybuddio, drwy gyfrwng Cytundeb Trwydded Data wedi’i addasu i anghenion y cwsmeriaid. Yna mae’r rhain yn cael eu cadw i fod ar gael yn hwylus yn system TG y cwsmeriaid a gellir eu mapio ar y mapiau OS sylfaen gan ddefnyddio amrywiaeth o feddalwedd y SWDd. Fel rhan o’r gwasanaeth, gall Canolfan Wybodaeth Bioamrywiaeth Gorllewin Cymru (CWBGC) gyflenwi diweddariadau rheolaidd, yn chwarterol fel rheol neu bob 6 mis, i’r cwsmer. Bydd y diweddariadau hyn yn cynnwys unrhyw ychwanegiadau a wneir at y bas data cofnodi. Gellir darparu hwn fel gwasanaeth unigol neu wasanaeth Canolfan Gofnodi Leol Cymru.
Rheoli data – Casglu a rheoli data am rywogaethau a chynefinoedd i gynnwys cyfnewid data â chofnodwyr Is-Sirol er mwyn dilysu a rheoli’r data a gyfnewidir â Phorth y Rhwydwaith Bioamrywiaeth Cenedlaethol.
Gwasanaeth digideiddio – Digideiddio Cam 1/data cynefinoedd NVC neu derfynau safleoedd ar ffurf y Systemau Gwybodaeth Daearyddol. Bwydo cofnodion am rywogaethau o fformat papur i fod yn fformat electronig. Adfer y data sydd wedi’i gadw mewn fformatau electronig sydd wedi dyddio.
Dosbarthiad rhywogaethau – mapiau’n dangos dosbarthiad rhywogaethau unigol neu grŵp tacson yn ôl sgwâr grid.
Cefnogi Cynlluniau Gweithredu Bioamrywiaeth Lleol drwy ddarparu data llinell sylfaen am rywogaethau a chynefinoedd, archwiliadau ar rywogaethau ac ystadegau ar gyfer BARS (y System Gofnodi ar gyfer Gweithredu Bioamrywiaeth).
Y Cynnyrch a’r Gwasanaethau Ychwanegol sydd ar gael
Mynediad i Wasanaeth Mapio’r Rhyngrwyd – Gall Partneriaid Cyllido sicrhau mynediad uniongyrchol i’r holl ddata a gedwir yn y prif fas data daearyddol yn CWBGC drwy gyfrwng Gwasanaeth Mapio’r Rhyngrwyd. Drwy fewngofnodi yma, gallant weld haenau rhybuddio o’r wybodaeth ddiweddaraf am rywogaethau, cynefinoedd a safleoedd yn y bas data hwn. Gellir edrych ar yr wybodaeth wedi’i mapio dros fapiau sylfaen Arolwg Ordnans neu luniau o’r awyr neu haenau cyd-destunol wedi’u haddasu i ofynion y cwsmeriaid.
Dadansoddi a modelu Data’r Systemau Gwybodaeth Daearyddol
- Asesiad Bioamrywiaeth lle mae’r data’n defnyddio amrywiaeth o nodweddion sy’n cael eu cyfuno i lunio haen rybuddio sengl yn dynodi’r gwerth cyffredinol i fioamrywiaeth.
- Darnio cynefinoedd a modelu cysylltedd.
- Y tebygolrwydd o fodolaeth a modelu metaboblogaeth.
- Dadansoddiad hydrolegol (modelu symudiad dŵr ar draws arwyneb).
- Dadansoddi erydiad (modelu erydiad a gwaddodiad ar draws arwyneb).